Photos here
呢. 呢d就叫做亡命啦. 之前果日先攰死咁行完Castle HOward, 今日就6點火車去Windermere.... (因為咁樣車票最平同埋慳返日hostel 錢, 又可以返hall食dinner喎....)
一大早去到windermere...唔識路呀. 個rail station好似四野無人咁既. 真架. 好驚. 條街好似幾靚咁, 但又因為陰天所以好陰沉, 所以又好似好深沉...哎吔.....唔得. 個個都話會唔夠時間玩的. 所以快手快腳係tourist office 問佢要左幅map先....
行呀行呀. 由windermere 行到bowness. 好靚的屋, 佢d footpath都幾靚. Windermere真係好多日本遊客, 可能係beatrix potter/peter rabbit的關係....咪就有兩個同我一齊行錯路lor...好在有位大叔黎指點迷津姐.
去左佢個world of beatrix potter, yee. admission要5鎊, 仲好似係整出黎呃細路既野咁. 唔好搞我. 係佢個shop睇左一輪....唔買, 要慳錢同埋唔想枱返香港. 咁就去Bowness個sea shore....老實都幾失望, 可能係york行過個river bank太靚, 就覺得bowness果度好核突. 唔制呀. 同埋唔想俾幾鎊搭果d船, 所以一直向南走...走到去個碼頭....ferry? 40p? 過對岸?? 我原本以為只係俾車的, 但原來人都得架, 哈~~ good ah, 咁我就搭啦. 過對岸. yee. 有bus 可以上Hill Top, 即係Beatrix potter 既故居. 嗱, 車只需10分鐘, 咁我不如行啦(慳妹)...
其實幾難行, 好多時要行車路, 行山徑又得一個人有d暗有d驚. 行到死下死下咁...仲未到架. 不過個景真係好Impressive....哎, 正所謂, 黎lake district唔係睇lake 而係睇佢d鄉村地方...好靚呀, 仲有羊咩咩係我身邊經過....不過行左咁耐都未到架?! 我有冇蕩失路?! 上山上到虛脫呀.... 又只係得d好似好貴既b&b唔敢走入去rest (同埋都唔夠時間)
終於去到Near Sawvey, 有條村, 有個post office, 去一問之下, 哦, 我冇行錯, 而且仲有10分鐘就到啦...我都行左個幾鐘, 唔係唔行落去呀? 好, 行...死左咁.....哎吔!! 望到啦望到, 有個牌寫住hill top 架!! 想入去, 點知個牌寫話要行遠d去左個car park買飛先....點解要咁折磨我呀?!點解唔係入口賣飛仲要我行...哎吔吔...好虛脫架ma....唔得!! 我要努力!! 我行左咁耐先行到既地方 !! 行多少少都要入!! 張飛5鎊咁貴我都要買!! 本guide book 3鎊我都要買!! 點即, 我行得咁辛苦!!
不過真係好值, 行得咁辛苦都值. 係好tiny既一個鄉村小屋, 好靚呀週邊, 同埋間屋入面都好靚...而且原來beatrix potter既書入面好多場景都係取材而佢間屋架....好得意. 佢仲like儲小模型tim...
行完. 唔. 買張post card留念下咁大把啦. 慳錢去旅行呀, 同埋peter rabbit既野香港應該唔難搵, 同埋我間屋唔係大放唔落, 唔好咁大貪.
行落山就快d舒服d. 同埋多返d人, 個感覺冇咁驚. 坐返40p ferry 返bowness. 食返個ice-cream. 太攰太餓要埋個fish and chips...但我真係唔多食得熱氣野的, 我發現自己未食到一半已經滯左仲有少少想嘔. 以後都係只可以食wrap同sandwiches/salad, 呢d先係我既食糧. 圍住個lake行...都係係搭ferry附近靚d. 行上去就都幾醜. 最後決定行上Orrest Head 睇 Lake Windermere 全景...行左廿分鐘...仲要係個白痴仔睇錯鐘以為就快夠鐘上車所以行得勁快....結果又係虛脫. 不過真係好壯觀o...睇晒成個lake windermere全景架...真係架....好靚架....不抂行跛腳....不過呃...
上到山先黎落雨!!! 嬲呀!!!!
於是慢慢行落山. 冇呀, 行左成日差唔多都係山路, 真係虛脫. 雖然仲有差唔多成個鐘, 但我真係走唔郁...太辛苦啦... 我只可以坐係車站度等. 早知就搭早一班車走.....因為我果班竟然cancel!! 我仲趕住去oxemholm轉車上Edinburgh架ma. 最激氣既係個staff 十問九唔知咁. 請你返黎食屎架下?!
好彩遇到對由Manchester黎既夫婦同佢個仔, 又俾我偷聽到佢都係去Edinburgh, 又俾我走去問, 咁啱佢地想楂車送個仔去Oxemholm度趕車去edinburgh....咁好彩我有順風車搭咋. 唔係既話, 要榙的士出去, 好溶的, 辛辛苦苦慳左成日乜都唔買既成果就付諸東流.....(慳妹!!)
同埋原來我地去Edinburgh果架都cancelled. 要等下一架...唉. 英國既鐵路系統真係食屎!!
No comments:
Post a Comment