Wednesday, November 02, 2005

Jaen 2 Oct 2005

終於完結Granada既生活. 其實好唔捨得的, 因為住係Albazin既生活實在太寫意啦. 不過另一方面, 真係會因為就黎返去果個冇返成年有突既屋企兼可以睇新野而有少少興奮 -- 都係無緣都menina佢地"vamos a la playa" ah....

點知去到Jaen就出師不利。太公本來Book 果間hostel係搵極都搵唔到. 明明佢俾太公個instruction係話一出個bus station, 直行就有. 但望極都冇. 然後問人, 個個都話要坐車先到到, 成100km遠咁話喎...咩話, 咁你唔好寫"walk out of the bus station of Jaen" ah ma!! 於是太公興沖沖咁, 以唔多ok既spanish打電話同佢confirm佢個地方係咪真係咁x遠, 然後cancel, 再book過間啦....呀, 個老板娘係完全唔識英文架....好在, 萬大事有太公核突Spanish, d grammar錯晒都仲有keywords, 救到.

都幾好人呀呢度d人, 但雖然知道其實係為左溝女而咁好人, 但都好呀. Jaen其實冇咩睇, 除左個Cathedral真係好得. 咁唯有去遊蕩下. 跟據之後係Malaga既hostel 老板所講, Jaen is really a strange city. 不過唔緊, 我係想落腳姐, 太公之意不在Jaen, 而在Ubeda & Baeza也.

Granada Diary 29 Sept 2005

有人係Barcelona果時都仲好勤力咁日日寫Diary的, 點知一黎到Granada就開始懶啦...鬼咩, 真係好鬼攰, 日日都. 今日係冇能力出去玩呀. 本來Sonia話去party的, 但我諗我都係去唔到lu...wu.....

大致記下做過d乜, 呢幾日.

上星期六, 行下Albazin, 然後落左去City Centre, 去埋個Market...夜晚仲同flatmates去多次tim呀.......唉, 最衰係撞到omar. 避左佢好耐, 撞到正就冇得避啦,星期日去飲茶....正所謂唔艷既艷遇, 唔提也罷....鞋. 點解, 點解我心儀既男仔唔學下佢咁好膽呢??

星期日. 作病的其實. 星期一都係..星期二就返左學校睇film. 星期三lunch俾炮台山昆左落山...點知冇人. 夜晚見娘親....好搞笑. 阿媽你跟團架, 跟團有飯食架...不過跟團又去唔到supermarket...唔....咁帶多少少野食都冇可厚非既....唔....但係真係好多...好多....Lili阿姨先勁, 好人好姐帶咁多出丁去旅行做乜呀? 我娘親就話腸胃唔好姐.....

今日...攰...no ability to do anything lor...

Granada Diary 23 Sept 2005

今日去左睇Flamenco....幾得意, 真係似一個local既festival咁 (其實直情係)....但係好唔like d Spanish 食煙!! 同埋d鬼佬/妹真係食好多野!! 點解? 點解Menina同sofia食咁多都可以咁瘦?!

終於到左weekend啦....好開心呀, 聽日就放監...好似放監咁可以落山行下......放監放監放監......

Granada Diary 22 Sept 2005

我竟然係度數日子!! 但冇計啦, 對於可以返屋企, 我都真係幾excited....

跳Flamenco跳得幾好, 但係開始覺得冇乜錢啦....要慳d. 星期六落山買衫同買Castanets先....

Granada Diary 21 Sept 2005

今日
落左去City Centre, 冇錯, 名符其實既深山顛婆終於出城. 本來想去super sol的, 但Omar話佢地有siesta time架....氣!! 咁唯有去El Corte Ingles啦...d yoghurt都平過spar好多, 同埋最緊要多choice....

其實我日日跳完Flamenco都好攰的. 今日好好多, 但. 雖然對omar就講話我落唔到去...哈哈. 但就同Menina及Sonia落左去, 夜晚...成班German!! 好難頂...竟然人係Spain, 唔去Spanish Bar, 走去食Swiss 火鍋....傻架!! 我唔理, 我一定唔食. Sonia都一定會諗佢地成班都係傻既. 正正如Bergid講, d Germans都係有病既....冇錯, 真係好多都係, Menina同Regina除外. (Sarsha唔算一般既German呀...)

Barcelona Diary 15 Sept 2005

話咁快就係2nd Last Day 上堂....oh....但係又開始有少少厭倦呢個日日要同人迫地鐵既生活...有少少想死. 今日甩左隊, 搭左第二條route返學. 都幾好. 都係鐘意行大街多過小巷...靚既小巷另計. 我都係果d呢, 係某個地方呆左陣, 就要move去另一個地方既人...開始覺得Barcelona 有少少悶tim. 係時候要走啦....granada, dadada...

今日去左Palau Reial.

Barcelona diary 14 Sept 2005

我突然間覺得, 我係會唔捨得barcelona的, 雖然一定唔夠Edinburgh咁勁....我會唔捨得d海產, 哈哈.

今日「太公食細蜆」, 本來冇心水買乜的, 因為係魚檔偷聽到個女人話d細蜆正, 所以就買左返黎...好抵, 廿零蚊港紙就有一堆, 食落仲好鮮美tim呀...我用左佢, 加左條西班牙青椒黎整飯食, 好好味呀我覺得....哈哈. 仲好飽好飽好飽tim呀...




Barcelona Diary 13 Sept 2005

好. 今日發生最大件事係, 發左個怪夢, 內容及其感興皆為十級機密. 有關人等應該收左postcard.

然後

是日休息同讀書一天。

Barcelona Diary 12 Sept 2005

嘩....我尋晚訓唔著呀....我, 我突然之間為左去Granada而好緊張好緊張, 都唔知點解....明明去過架ma冇耐之前, 仲一住住左3晚咁多tim!! 好在, book好晒個hostel同車飛等就成個人定返晒....係呀, 可能係因為有choice (以為), 一直都係度諗要點走點plan, 所以搞到好Stressful. 不過今日一睇....唓! 原來由Barcelona去Granada要成12個鐘零45分既, 日車既時間出發又早抵達又晏根本唔possible. 再者, 坐咁耐車, 點可以唔訓返晚先得架.....我仲要係上足6個鐘堂架...所以就一於book 星期六夜車, 2200, 咁第二朝10:45到Granada, 咁大約正午12點去到hostel大覺訓~~唔訓唔得架, 唔訓會死架....(下刪10000字)

然後....其實係之前. 有人實在太想再食sea food啦....不過呢...哼!! 竟然今日冇魚賣!! 有冇搞錯!! Fiesta就唔出海既咩? 作死呀?! 本小姐冇魚食唔高興呀!! 不過咁, 有人死死地氣咁走去supermarcado, 行下行下發現一盒整paella既seafood....嘿嘿嘿.....買埋盒茄汁返home整....有請Robin做今次既白老鼠嘉賓~~ 結果係咸左...好多. 有d難食, 某d部份ok架......真係難為阿白老鼠大佬....多謝你噢... 竟然係lunch既Tortellini 好味d....有好多cheese cheese的....

同埋去左海邊...車, Barcelona個海邊, 個灘, 講真, 咪黃金海岸同淺水灣赤柱咁lor....至多d海乾淨d姐.....哼, 連長沙個view都比唔上, 更唔好同Nerja果d比... If you’ve been to the beaches in Nerja, then Barcelona is nothing.....that’s what I must say...




真係難為佢仲要扮好味呀呀呀呀~~

Barcelona Diary 8 Sept 2005

今日終於食到Paella啦!!! 不過都係Nerja果d好味的d. 姐. 仲有去左個Spanish Village, 搞到我好掛住Nerja, 仲好後悔cancel左個Jerez...唔得, 一定要去, Spain, I’ll be back!!

仲去左呢個Caixa Forum...有呢個Art Nouveau既野...講阿S. Bing因為受Brussel既一個art機構既影響起左l’art nouveau gallery, 呢個art nouveau因此而得名....好野呀下!!

同埋, Barcelona!! 愈黎愈like!! 係一支好酒, 第一淡未必咁like, 但飲落, dap真d, 就知佢好...哈哈. Muy Bien!

Barcelona Diary 7 Sept 2005

今日去左食Churros con chocolate...係呀, 因為阿Sinead太late na, 所以我地去左去食...不過因此搞到我run out of phone credits...有時對一d冇direction感的人要有多d patience, otherwise真係自作自受. 嗚....唔制呀....不過好左都幾好味.

其實之前係去左呢個Palau de Musica Catalunya 同個MACBA架 (即個contemporary museum), 落雨, 衰. 不過因此我就有機會留係個Art Bookshop睇書...真係要學Japanese 呀, 好多resources of design係from japan架!!! 之後, 一個冇食lunch的人就去左食左個呢...死, 咩名呢, 好似雲咁架, 但好甜架, 但又好好味喎...唔....

於是夜晚就食唔落野啦...只係食左條sausage, 同堆魚咁啦...試下無妨, 不過唔多like 紅肉的太公就試一次夠, 雖然紅肉黎講佢係好味的, 好味過prague果d tim...不過都係要大舊包送先..

Barcelona Diary 6 Sept 2005

今日係繼續豪氣生活既, 好野....

去左Market, 食左果個樣好奇怪但又想食左好耐既貝殼類海產...唔, 好味!! 返香港食唔到架啦, 幾大都食....4Euros都要食!! 好, 食完. 上Montjuic, 行左搵左好耐, 終於上到個Castle, 然後去睇Joan Miro....

兩大感想. 怕且香港人係全世界最唔”立懦”既人...係呀, 一定...d鬼妹都好鬼lup Nor既, 又唔睇時間....雖然好值得欣賞佢地既悠閒, 但真係好Waste時間...見到係人都吹, 明明趕時間家ma....

第二大感想係Joan Miro...同Picasso同期的, 但生前就冇Picasso 咁風光. 但都一樣好有骨好肯去試新野既一個畫家/artist...好多元化的. 畫黎講個人比較like Picasso, 但Miro真係好多元...佢d插畫, 同埋1940s果期既畫好靚好得 (街邊d graffiti一定都係inspired by miro的)...我諗Barcelona, or Spanish Artist好有吉士好玩野, 好欣賞佢地呢個吉士呢....我諗香港人都有的, 但可能因為個Educational system既Constraints所以始終爭d...

Joan Miro...一個生前唔大風光既artist都咁敢去玩咁多新野, 好令人欣賞的...

爭d唔記得...去睇Miro之前仲去左睇以前92 Olympic Games既水場...以前睇伏明霞跳水果度呀....家下就係我面前啦~~~~!!!

晚餐返家食, Roommate整Neapolitan Pasta, Ole!!

Barcelona Diary 4 Sept 2005

今日同Sasha兩個, 以及佢之前認落既friends, 一齊去趕免費野 – 大拿拿成個Museu Picasso都係free架...真係好like Picasso, 睇完更加like, like佢有骨. (雖然太公最愛依然係Kahlo.) 係. Museu Picasso入面一定唔係佢最important既art works, 但就有好多好多佢既早期作品. Picasso好experimental, 從佢既早期作品度睇到佢係好肯去試新野, so that’s why, 佢係一個咁出色咁才華出眾既畫家.

係呢個Picasso Museum仲有個Italian老伯走黎搭訕...冇錯係搭訕唔係搭爹, 係呢個搭訕既後期佢係有企圖約太公去飲coffee的. 不過就被太公義正詞嚴地拒絕左. 哎...點解係阿伯...???? 我唔興掏古井的....

不過, 太公發現Barcelona既人好似唔係太like搭爹咁, 唔同係Scotland or Andalucia咁, d阿公阿婆好like搭爹....可能始終係cities, d人會cool d...嗚...

然後食完野, 去睇Textile Museum. 本來仲想去Beach的, 但有人突然...係真係突然....M到!! 仲要痛到攪到要扶住個exhibition closet塊玻璃....哎吔吔, 即刻返歸也. 返黎, 沖個涼. 其實係樓下已經遇到佢, 但唔sure...哈哈, 返黎就見到啦...好好人, 既新Flatmate, 同埋都幾靚仔tim架...哇哈哈. 可惜他有女朋友呀...阿Robin. 二人一吹就吹左好多個鐘...成地都係水...水呀....

Barcelona Diary 3 Sept 2005

今日佢地個個都走晒啦. 仲以為佢地會好late先起身, 結果就係miss左Martin同Tristen. 剩返Mira咋...同埋果個我點都Figure out 唔到佢個名係點拼既女仔...哈哈. 佢地都走埋 (要去France呀人地...)之後, 到我執, 然後係廳坐左一陣之後, 就有Cleaning ladies黎. 一輪咀咁, 好搞笑, 但係我唔明咯....好左其中一個好似識聽英文咁, 我講既野佢都好似明咁...好在~~~

然後Alexandra同埋阿Sinead就黎啦. 因為Sinead班機係七點, 所以佢黎借訓一陣. 點知恐怖野就發生勒. 突然間Susie殺上黎...真係用個殺子係冇錯既, 因為佢真係殺氣騰騰。因為吹水吹得太開心, 果時阿Sinead真係訓左冇耐咋...就算explain左俾Susie知話Sinead只係黎訓一陣, 佢班機係七點, 佢都好惡死咁走去嘈醒Sinead, 好惡咁同佢講話佢唔可以留係度... 真係嚇親我地個心仔s呀, 以前大家都以為Susie好nice, 原來係一隻笑面虎, a tiger with a smiling face!! 仲嚇到Sinead即刻走都走唔切tim呀...

好啦, 咁送走Sinead, 食過Lunch, 就爬左上Parc Guell...一路上一路係度回憶返同Sinead吹既水, 以及前幾日對呢個city既感覺...唔...唔可以話我唔鐘意, 但好大可能係因為我係Edinburgh – 一個係去過既人聽到都會哇哇哇(係呀, Sinead一聽到即刻係度哇哇哇!!), 真係好靚x10000既地方, 所以幾乎去到邊都冇得比咁. 同埋...正如vivian所講, Barcelona 只係一個city咁...more precisely, 冇乜佢自己個格, 即譬如, 係Edinburgh, Aberdeen, Glasgow, Skye, or Manchester咁, 你會好feel到佢係...係啦, 係Edinburgh/Aberdeen/Glasgow, Skye, Manchester...既感覺. 但係Barcelona就冇, 果度 “格” 係仲弱過Sterling & Windsor (which is, 咁多個我去過既British town入面個格最弱果兩個)...可能真係太Metropolitan. 但個問題係例如London, Hong Kong, Paris, 都好大好Metropolitan, 但就都好有自己個格...Barcelona真係好似好弱咁. 所以一直都未到勁勁like...反而真係, Andalusia果幾個cities有格好多.

不過, 講咁多, Barcelona勝在有Gaudi. 真的. Gaudi真係為Barcelona生色不少. 之前個Casa Gaudi, La Padera等都已經教我嘩嘩聲, 對佢既才華佩服不已. 但畢竟呢d都只係屋仔....但個Parc Guell真係超大超靚....好fab, 好gorgeous!! 真係....我唔知點講, 但係覺得好多野都好神奇, 會想知點起, 同埋點會諗到係咁起...(好似以前pure math 蔡sir教我地做數要從答案諗返上去睇下係點arrive at 個answer 的.)

In the Parc I saw a dead pigeon...it shocked me. That’s the first time I saw a dead bird. The idea that ‘death is so close’ scares me....yes, somehow I can feel death is close... yet, what to regret if you flied high before death? The length doesn’t matter...or does matter that much. Yet, it still scares...

唔...去完個Parc我like Barcelona多左...好佩服d Gaudi....不過問心, 都係like南部既cities多d....我諗Barcelona係我心目中仲未可以同Granada睇齊的....唔...同Antequera 差唔多咁 (去vacation當然係Antequera!! 但住真係Barcelona 好好多...不過總係覺得Barcelona有d唔嗲唔吊咁...住又唔想住呢度喎老實....就算d野唔係貴都係咁話) 不過仲係爭Seville 同 Nerja 一截...好似...好怪, 睇d Modernisime既野, 同埋d週街都係既Shops, 名店咁, 好似好Sophisticated...但d人又唔係太係既jar 喎....怪怪....不過點都好, 好like 佢地個port, 條La Rambla, 同個Parc Guell!! 希望2 weeks 之後我會覺得Barcelona勁good啦!!

Barcelona Diary 2 Sept 2005

今日..今日本來想去Palau Guell的, 點知有人係條街度來回行左兩次都唔見. 哎吔...係邊呀...? 明明個路牌指住果噃...無論係街頭定街尾個牌都指向條街果噃...咁唯有行多次. 好在今次前面有個鬼佬對住個屋頂係咁影....順勢一望...似啦! 似啦!! 不過下面就成個地盤咁...原來由上年10月開始close, 到出年好似係april先開返...頂!! 後年請早!!

於是...哈哈. 之前係La Rambla個街市度行過, 見到有好多貝殼類海產, 好新鮮....仲有d呢, d殼好有光澤, 好大, 好似好好味咁既巨蜆!!! 垂涎左好耐, 今日咁arm, 行左一個week又幾攰, 不如就一嘗心願, 買返屋企整啦!! (因為買既話就要坐車返屋企....咁有d慳妹因為想慳錢所以每日放學都係行路返屋企的....除左Thursday 因為行得太遠impossible to walk back home之外...

嘩. 將最大既五隻拎左去燒, 而剩底果四隻就同farmfood既 (唔...寫到呢度, 好掛住間Farmfood呀~~~~~~~~~~~~!!!) Savory rice 一齊煮...哈哈. 狂吞左7隻 (因為savory rice係煮定for future的, 所以只係食左少少.), 加一碗湯, 加幾塊toasts, 加隻桃, 加隻蛋, 加杯yoghurt...(嘩!! 今日暴食日, 早餐食左一份Catalan Cream, 一罐naranja, 家下仲...(註: 夜晚仲有人食埋剩底既飯同蜆...哇哈哈...仲有成包nuts呀...死啦今次.....)

個肚裝左7隻巨蜆既人咁就走上山...冇計, 個肚重左咁多係辛苦過平時的. 仲有少少wing tim. 行過Martin提及過的Internet café, yee...係咪因為下畫冇開喎...於是直上, 上到去阿Gaudi死既果個hospital度. 係, 佢係果度死的. 佢係俾架tram撞車, 送左去果間醫院, 三日(定兩日)之後死的.

聽日就搬房啦, 同alexandra住...唔...等我今日做晒d自閉野先....哈哈!!


本來佢地話要去食日本野的...日本野!! 去左Edinburgh成年, 好記得, 除左有一次係Liverpool度食過Boots既sushi, 同埋自己整既玉子燒同親子丼之外, 就冇食過啦...嗚. 好想去的, 但怕會好貴, 就咁就破左我慳左成個禮拜既成果....唔制! 最後Martin佢地都話唔去而改去佢地最愛既Starbucks, 咁就算咯. (咁只得Miguel 同 Mira去) 本來佢地仲想出去的, 但最後都冇咯...佢地去左Miguel度, 我就因為太眼訓忍唔住訓左, 怕且佢地返黎只係會見到死屍一條....

Barcelona Diary 1 Sept 2005

今日去左Museu Nacional d’Art de Catalonia. 唔多, 只係一個. 叫做上過下Montjuic 咁啦. 個feel好好. 本來黎到Barcelona, 好miss England/Scotland去過果d countryside的. 今日上左去, 有少少重拾返果種feel...好靚, 同埋都幾sophisticated既一間museum...不過老實, (以前的)英國人真係有錢. 個二樓大堂令我諗起Castle Howard...一間有錢人起既屋都金碧輝煌過個national museum...不過可能只係Catalonia既關係. 唔怪得vivian話Madrid靚d, 因為Barcelona冇果種我地係UK見慣晒既豪氣.

但真係...接觸返D文化野即刻成個人生返晒. 好Like Modernista, 即Art nouveau, 好靚的. 仲有mucha的畫....Catalonia可能因為近France, 所以有好多野都係Modernista: Gaudi之外, d posters都好有mucha feel...不過個point係, 幅mucha係一眾Catalan artists既畫中間真係鶴立雞群lor....

唉. 原來, I need to live with museums, galleries, and exhibitions, 一定係俾 UK成堆好高質素既free galleries/museums縱壞晒 ...死啦, 返到香港一定要住灣仔, 要近art centre果隻先唔會悶死...(or Fringe club).

同埋, 嗚~~ 好MISS 英國果d tearoom...果d earl grey, scones, carrot cakes, etc..仲有, 英國人真係gentlemen的, 俾佢地縱慣晒, 黎到Catalan唔慣d男人唔讓我行先呀...哼!!

Barcelona Diary 30 Aug 2005

La Pedrera
冇, 冇去攞佢個free既audio guide就有少少噪味. 不過算. 我自己睇都ok. Gaudi真係勁, 只計個弧度呢? 將楝榙要受既力整成重量用rope/cloth吊出黎就ok...好聰明既architect!! 同埋真係好靚. 好有美感. 而且咁就唔會有waste.
Casa Les Punxes
Sagrada Familia
本來俾完五個大洋入到去既我好失望, 乜咁架, 裝晒修咁, 回水得唔得. 後來知其實整左好耐, 而且要到2025年先整完...算, 到時我樹葉有成, 再黎個豪華團, 哼!!
又係好靚, 好clever既design, d 榙相連的. 同埋出面既facades都好靚, 好...唔. Symbolic + cubism, 有hidden symbolic meanings架好多野....真係又好鬼靚. 同埋行上去呀. 雖然行到死死下, 但近距離望佢個榙頂就真係勁嘩嘩嘩..
同埋, 第一次買souvenir, 亦應該係the only time. 唔. 好串lor, 10 euros先可以用visa早響啦仆街. 搞到我要買多隻杯, 雖然靚...
不過好彩屋企附近果間supermarcado可以用visa, 買得個5 euros唔到既野都得. 哈...

同埋Flatmates 落左 pub tim ah..
本來諗住係度慘死, 冇friend, 班flatmates 又講晒german咁. 但好好人架其實. 尋晚阿邊個 (d german名好難, forgive me) 已經那住支vino黎問我要唔要飲. 不過尋晚我實在係太辛苦太頭痛唔得呀. 今日martin黎搵我一齊落pub, 雖然冒住到後尾會冇錢既危機, 但我都要去...(聽日返唔到學唔算危機)
其實同german去都有少少悶. 佢地唔會太adapt to spanish果種clubbing...不過我都係, 只係我諗我會dance. 不過都好好呀, 個feel, 仲識到阿Miguel... 唔. 好好. 出去吹下水好過黎係屋企, 自閉會死的. 哈.